Janire Ugalde
Nire izena Janire Ugalde da, Osasun Psikologoa naiz, eta betidanik izan dut jakin-min handia pertsonak ulertzeko eta zailtasunen uneetan haiekin egoteko. Psikologiako Gradua ikasi nuen Deustuko Unibertsitatean, Bilbon, eta gero, Madrilera joan nintzen Osasun Psikologia Orokorra Masterra burutzen. Urte hauetan guztietan ez diot ikasteari utzi, gure lanbideak etengabeko prestakuntza eskatzen duelako. Hainbat formakuntza eta espezializazio egin ditut, kontsultan oso presente dauden gaietan sakontzeko: antsietatea, depresioa, suizidio-portaera, nortasun-muga nahasmendua, krisi eta larrialdietako esku-hartzea, sexu-heziketa, edota genero-indarkeriaren biktimentzako arreta psikosoziala eskeintzeko, besteak beste.
Niri buruz pixka bat...
Nirekin prozesua nola izango litzatekeen galdetzen ari zara?
Konfiantza eta lotura
Hasieratik, zurekin harreman hurbila eta segurua eraikitzea da nire helburua, entzuna eta ulertua senti zaitezen.
Zure historia ezagutzea
Pixkanaka-pixkanaka zure bizipenetan sakonduko dugu, zure beharretara egokitutako laguntza eskaintzeko.
Helburuak adostea
Lehenengo saioetan elkarrekin helburu nagusiak zehaztuko ditugu, zure erritmora eta momentura egokituta.
Baliabide pertsonalizatuak
Helburu horiek lantzeko tresna eta estrategia egokiak erabiliko ditugu, zure egunerokoan praktikan aplikatzeko.
Amaiera eta jarraipena
Helburuak betetzean prozesua amaituko dugu, baina ez arduratu, aldi bateko jarraipen pertsonalizatua eskainiko dizut bai zure eboluzioa eta bai zelan sentitzen zaren ikusteko.
